B68 hevur fingið nýggjan spælara

17 ára gamli Thomas Bjørn Miezan hevur seinastu vikurnar vant við B68, og nú boðar B68 frá, at felagið undan síðstu freistini at skriva undir sáttmála við spælarar, sum var fríggjadagin í síðstu viku, skrivaði undir sáttmála við Thomas Bjørn Miezan.

Thomas Bjørn Miezan, sum er føddur 15. apríl í 2006, spældi í 2022 tríggjar dystir í 1. deild fyri HB. 8. mai í 2022 var hann í lítla løtu á vøllinum, tá ið besta liðið hjá HB tapti 2-0 í Klaksvík.

Síðani hevur hann roynt seg í FCK, og í vetur hevur hann aftur vant við HB. Eingin sáttmáli spurdist burturúr við HB, og nú er Thomas Bjørn Miezan B68 spælari.