B36 og B68 spæla mánakvøldið
At B36 fer at spæla í Europa hóskvøldið er orsøkin til, at landskappingardysturin ímóti B68 er útsettur til mánakvøldið
Jóannes Hansen
16. august 2023 kl. 12:17
Tað er stutt millum dystirnar hjá feløgunum, sum framvegis luttaka í europeisku kappingunum. Í annaðkvøld fer B36 at spæla í Kroatia, har HNK Rijeka er mótstøðuliðið. Síðsta hóskvøld vann kroatiska liðið 3-1 á Tórsvølli.
At B36 fer at spæla hóskvøldið í Kroatia er orsøkin til, at heimadysturin í 19. umfari ímóti B68 er útsettur. Sambært FSF er dysturin ásettur at vera mánakvøldið klokkan 18.
B36 og B68 hava hittst tvær ferðir áður fyrr í ár. Í Gundadali vann B36 2-0, og á Svangaskarði vann B36 1-0.
Mánadagin 21. august
B36 - B68: Jóhan Hendrik Ellefsen kl. 18.00
