B36 skal mikudagin á útivølli møta Viborg í triðja umfari av undankappingardystunum til Conference League. Skuldi tað hent seg, at teir hvítu úr Havn megnaðu at koppa Viborg yvir tveir dystir, so skal B36 spæla tveir playoff-dystir til at sleppa í bólkaspælið í Conference League.
Lutakast verður í morgin, týsdagin, men longu í dag vita vit, hvørji lið B36 kann møta – klára teir hvítu úr Havn at vinna seg víðari frá Viborg-dystunum.
Her kann B36 møta Premier League liðnum, West Ham. Men tað eru eisini onnur stórfeløg í pottinum, sum eitt nú Fenerhahce og AZ Alkmaar.
Lutakastið til playoff-dystirnar til Conference League verður í morgin, týsdagin, klokkan 14.
Hesi liðini kann B36 møta:
West Ham
AZ Alkmaar / Dundee United
Young Boys / KuPS
Molde / Kisvarda
Fenerbache / Slovacko (taparin av hesi uppgerðini)
Fyrri dysturin millum B36 og Viborg verður á Viborg Arena mikudagin 3. august klokkan 18, meðan seinni dysturin verður á Tórsvølli 9. august klokkan 19.
