Fyrri dysturin millum B36 og Paide endaði 0-0 í, so B36 mátti fram at skora fyri at tryggja sær víðari luttøku í Conference League. Eftir at vanliga leiktíðin í Tallin í Estlandi var farin, var støðan framvegis 0-0.
Í umdystinum skoraðu Eli Falkvard Nielsen og Michal Przybilski innan fyrstu fimm minuttirnar og tryggjaðu harvið B36 sigurin. Símun Sólheim legði upp til bæði málini.
Í dystinum millum Inter Club D' Escaldes og Víking byrjaði felagið úr Andorra við eini 2-1 leiðslu.
Víkingur megnaði at skapa nakrar støður, men tað bleiv aldrin veruliga vandamikið og tá 64 minuttir vóru leiktir skoraði Sascha Andreu hjá Inter Club D' Escaldes til 1-0 og samanlagda støðan bleiv tí 3-1.
Góðar 10 minuttir seinni megnaði Sølvi Vatnhamar, at minkað um munin við brotsparksmálið, men tað var ikki nokk og Víkingur er sligið út úr Conference League.
Í Írlandi tók Derry City móti HB í seinna dystinum í fyrsta undanumfarinum í Conference League. Á Tórsvølli endaði dysturin við málleysum javnleiki.
Í Írlandi kom bert tað eina málið og tað var Sadio Dialo, sum í 23`inda minutti legði Derry City á odda.
Tvey av fýra føroyskum liðum hava megnað at vinna seg víðari úr fyrsta undanumfarinum. KÍ í Champions League og B36 í Conference League.
Hjá HB og Víkingi er evropeiska ævintýrið liðugt á hesum sinni.
