B36 plagar at standa seg væl í Europa, og soleiðis er tað eisini í ár. Í kvøld endaði tað í Wales og eftir longda leiktíð 1-1 ímóti Haverfordwest County er tað greitt, at B36 hevur spælt seg víðari í Conference League við samantaldum 3-2 sigri.
Hetta er 11. ferðin, at B36 megnar at vinna seg víðari í europeiskari kapping.
Avrikið í kvøld var kanska ikki so sannførandi, sum tað var, tá ið B36 fyri viku síðani spældi Haverfordwest County av vøllinum í Gundadali, men kortini bara vann tepran 2-1 sigur.
Tá ið vanliga leiktíðin var av í kvøld var heimaliðið frammanfyri 1-0. So var 2-2 og neyðugt við longdari leiktíð, og tá javnaði B36 til 1-1 og vann harvið samantalt 3-2. Málskjútti var vongverjin í vinstru Jann J. Benjaminsen, sum var púra tryggur, tá ið hann við brotssparki setti bóltin upp í nettakið.
Um eina viku verður HNK Rijeka gestur á Tórsvølli. Í kvøld vann Rijeka 6-1 á heimavølli ímóti Dukagjini úr Kosovo. Fyrri dysturin endaði 1-0 til Rijeka, sum harvið vann samantalt 7-1.
Haverfordwest County - B36 1-0 (0-0) 1-1 eftir longda leiktíð
Conference League
Hósdagin 2. august 2023 kl. 19.45 á Cardiff City Stadion í Cardiff í Wales
1-0: Ben Fawcett 66.
1-1: Jann J. Benjaminsen br 100.
B36 samantaldur vinnari við 3-2
Dómarabólkur úr Eysturríki: Christian-Petru Ciochirca, Maximilian Weiss, Michael Obritzberger og Alxander Harkam (4. dómari)
B36: Mattias H. Lamhauge – Símun Sólheim, Isak Jönsson, Sonni Ragnar Nattestad (Andreas H. Eriksen, 91.), Jann J. Benjaminsen – Andrass Johansen, Eli Falkvard Nielsen (Erlendur Magnusson, 105.) – Taufee Skandari (Emil Weihe Joensen, 116.), Michal Przybylski (Valerijs Sabala, 71.), Bjarki C. Nielsen (Aron Knudsen, 116.) – Hannes Agnarsson (Benjamin Heinesen, 110.)
Á beinkinum uttan at verða skiftir inn: Silas Eyðsteinsson, Hans Jørgensen, Mattias Hellisdal, Lukas Giessing, Mattias Weihe Joensen
Gult kort: Isak Jönsson
Venjari: Dan Brimsvík
Hjálparvenjari: Mikkel Richardt Mortensen
