Ávaring: Sera hált - bilar glíða eisini við píkadekkum
Løgreglan sigur, at fleiri óhapp er longu hend
Áki Bertholdsen
2 tímar síðan
Løgreglan ávarar um, at nú tað aftur fór at myrkja, at tað sera, sera hált summastaðni og løgreglan hevur fingið fleiri fráboðanir um, hvussu hált tað er.
Løgreglan sigur, at tað eru eisini hend fleiri óhapp, men talan er bara um skrokkskaðar - og tað er so hált, at tað er eisini illa koyrandi við píkadekkum.
Bilar, sum eru farnir á glið, hava havt góð dekk undir, eisini píkadekk, men tað er ikki standandi á beinunum - og eisini illa koyrandi.
Løgreglan sigur, at tað er serliga í Suðurstreymoy, at boðað er frá hálku, og eisini inni í sjálvari Havnini.
Landsverk og Tórshavnar Kommuna hava fingið boðini við tí endamáli at fáa tey at salta, men tað tekur sína tíð
