Ávara bilførarar um at tað er vatn á vegnum

Tað var eitt sindur ruðuleikakent í gjár tí tað vóru so nógv áarlop nú tað bleiv lýggjari aftur og blot kom í kavan, samstundis sum at regnið oysti niður.

Fleiri vegir vórðu stongdir í gjár, men Landsverk sigur, at nú er tað bara á Selatraðarvegnum, at tað ikki er koyrandi.

Har fóru teir at grava nú klokkan sjey.

Men Landsverk ávarar framvegis um, at tað kann vera nakað av vatni á vegunum í morgun og tí heita tey á bilførarar um at vísa varsemi tá koyrt verður millum bygdir.