Av for ...!

Comedy Wildlife Photography Awards 2021 er byrjað, og vit í Dimmalætting hava samlað nakrar av myndunum, sum eru í uppskoti at gera ársins mynd

Sigurjón Einarsson

3. september 2021 kl. 15:50

Yvir 7.000 myndir eru komnar inn til kappingina, Comedy Wildlife Awards. Myndirnar eru av djórum, ið antin uppføra seg ella líkjast “menniskjaliga”, sambært lýsingini fyri kappingina.

Tað serliga við hesi kapping er, at tað eru djór í stuttligum støðum, ið eru í fokus, men við serligum atliti at skapa uppmerksemi um náttúruna.

Dómararnir hava kókað tær meira enn 7.000 innsendu myndirnar niður til 42 finalistar.

Niðanfyri ber til at síggja nakrar myndir, sum eru við í kappingini – og til ber eisini at atkvøða, skuldi tú havt eina yndismynd millum finalistarnar. Tað kanst tú gera her.

Ársins mynd til Comedy Wildlife Awards 2021 verður almannakunngjørd tann 22. oktober.

Her eru nakrar myndir frá kappingini: