Ongi úrslit

Atli Gevst í summar

Ársins leikari sigur, at tað er ringt at gevast, men nú leggur hann alla orku í nýggja leiklutin

Jonhard Hammer
14. februar kl. 11:28

Sum vit skrivaðu í áðni, verður tað veteranurin úr Gøtu, Atli Gregersen, sum skal vera hjálparvenjari hjá landsliðnum í fótbólti.

Dimma fekk orðið á nýggja hjálparvenjaran beint eftir tað var kunngjørt, at hann verður nýggjur hjálparvenjari.

Hann sigur, at avtalan við Fótbóltssambandið er, at hann spælir allar evropisku dystirnar, og so gevst hann at spæla við Víkingini og fer at hugsavna seg fult og heilt um leiklutin sum hjálparvenjari.

Upp á fyrispurningin um tað er ringt at gevast við Víkingi, sigur hann, at sjálvandi er tað ringt at gevast. Men hann hevur longu hildið longri enn teir flestu og hann sigur eisini, at nú er hann 42 ára gamalur - og fyrr ella seinni má mann gevast.

Hann sigur, at hann hevur verið serstakliga fegin um tíðina í Víkingini. Herfyri varð hann kosin ársins leikari, men hann ivast ikki í, at Víkingur fer at klára seg uttan hann, tí har eru nógvir góður, og ungir leikarar at taka av.

Men samstundis er hann fegin um nýggju avbjóðingina sum hjálparvenjari hjá landsliðnum og hann fer at leggja alla orku í tað arbeiðið fyri at fáa so góð úrslit sum gjørligt.

Mest lisið hesa vikuna

80 ára gamal og má búgva í bilinum

3. mai kl. 21:00

Nýmótans teknikkur fekk bil at koyra sikksakk - bilførarin meldaður

3. mai kl. 09:19

Sissal fingið forboð til Eurovision-sangkappingina

2. mai kl. 17:08

Astrið Foldarskarð er nýútbúgvin fangavørður

6. mai kl. 22:25

Tað er púra skeivt at seta ungdómin upp ímóti Suðuroyartunnilin

6. mai kl. 14:00

Løgtingsmaður: Børn hjá støkum mammum eru í størri vanda fyri at verða kriminell

2. mai kl. 09:05