AstraZeneca: - Okkara koppingarevni ikki so úrslitagott sum higartil upplýst
Koppingarevnið móti koronavirusinum hjá AstraZeneca er ikki heilt so úrslitagott, sum felagið áður hevur upplýst
Sigurjón Einarsson
25. mars 2021 kl. 09:56
Covid-19 koppingarevnið frá AstraZeneca er knapt so gott sum higartil upplýst. Tað kunngerð AstraZeneca, sambært Reuters og vísir á dagførdar kanningarúrslit.
Nú boðar felagið frá, at teirra koppingarevni hevur ein virknað á 76 prosent. Áður hevur AstraZeneca boða frá, at koppingarevnið hevði ein virknað á 79 prosent.
Tað skrivar heimasíðan hjá DR.
Amerikanskir heilsumyndugleikar átalaðu fyrr í vikuni AstraZeneca fyri at hava brúkt “aveldar upplýsingar”, har niðurstøðan var, at koppingarevnið hevði ein virknað á 79 prosent, og tað hevur felagið tikið til eftirtektar og hevur boðað frá dagførdu kanningarúrslitunum.
