Arsenal vann fyrsta steypið í nýggja kappingarárinum

Søguríki Community Shield dysturin á Wembley, ið hvørt ár setur hol á byrjanina av kappingarárinum í enskum fótbólti, endaði við einum sigri til silvurvinnararnar frá í fjør.

Dysturin endaði við brotsparkskapping, eftir at Arsenal javnaði langt inni í yvirtíðini. 21 ára gamli innskifti Cole Palmer legði Manchester liðið á odda, meðan belgiski Leandro Trossard javnaði fyri Arsenal.

Í brotsparkskappingini brendi Kevin De Bruyne og Rodri fyri Manchester City, meðan fyrstu fýra skjúttarnir hjá Arsenal allir skoraðu, og so var dysturin avgjørdur. Martin Ødegaard, Leandro Trossard, Bukayo Saka og Fabio Viera skoraðu fyri Arsenal.

Hetta var triðja árið upp í slag, at Manchester City tapur Community Shield dystin.