Í farnu viku kom rækjutrolarin Arctic Viking aftur av túri í Barentshavinum. Teir høvdu 370 tons av rækjum, sum vóru landaðar í Klaksvík.
Síðani er skipið riggað um til toskafiskiskap og okkurt smávegis viðlíkahald gjørt.
Kl.23 í gjárkvøldið loystu teir frá bryggju í Klaksvík og kósin sett aftur í Barentshavið. Nú skulu teir fiska tosk í russiska partinum av Barentshavinum.
Esmar Petur Petersen er skipari og 20 mans eru við.
Í gjárkvøldið var sjómanstrúboðarin umborð við jólapakkum frá sjómanskvinnuringunum. Ikki tí, teir vóna at vera aftur, áðrenn kirkjuklokkurnar ringa jólini inn.
Skiparin fekk pakkarnar inn á kamarið. Áðrenn trúboðarin ynskti: “Góðan túr og Jesus fylgi tykkum!” hevði hann biðið bøn til Guds um signing og varðveitslu yvir skip og manning.
Teimum, og sjófólkunum annars, verður ynskt Guds signing og varðveitslu.
