Amerikanski herflota-ráðharrin til Føroya
Hann skal hitta landsstýrið, almennar stovnar og fyritøkur
Áki Bertholdsen
12. august 2024 kl. 07:38
Mikudagin 14. august kemur amerikanski herflotaráðharrin, Carlos Del Toro, á vitjan í Føroyum. Landsstýrismaðurin í uttanríkis- og vinnumálum, Høgni Hoydal, er vertur fyri vitjanini.
Mikudagin hava landsstýrismaðurin og herflotaráðharrin fund, har teir fara at umrøða trygdarstøðuna í Norðurhøvum, umframt samstarv og viðurskifti landanna millum.
Á vitjanini skal herflotaráðharrin eisini hitta Uttanlandsnevndina og vitja hjá Vørn, MEST, Arktis Kommando og Atlantsflogi.
