Mikukvøldið var tað fagnaður í Trongisvági, tá ið TB megnaði málleysan javnleik ímóti favorittunum í HB.
Í dag er mótstøðuliðið 07 Vestur, og allir teir ellivu, sum frá fyrsta bríksli ímóti HB vóru á vøllinum, eru tað aftur í dag.
07 Vestur tapti mikukvøldið 3-2 í Gundadali ímóti B36. Tríggir av teimum, sum tá vóru millum teir fyrstu ellivu, eru tað ikki í dag. Ein av teimum er Jaspar Van Der Heyden, sum mikukvøldið noyddist skaddur av vøllinum, tá ið ein lítil hálvur tími var farin. Í dag er hann á beinkinum.
Teir nýggju eru Janus Svabo Samuelsen, Teitur Olsen og Oddur í Haraldstovu Petersen. Umframt Jasper Van Der Heyden eru Jóannis á Steig, sum tríggjar minuttir undan leikloki varð skiftur út, og vongverjin í høgru Mathias Voss skiftir út. Mathias Voss er ikki á listanum í dag.
