Amerikanski sjónleikarin og filmsframleiðarin Alec Baldwin hevur undir upptøkunum til ein nýggjan westernfilm skotið við einum rekvisit-revolvara, sum drap eina kvinnu og særdi ein mann.
Tað upplýsir sheriffurin í Santa Fe í amerikanska statinum New Mexico, har filmurin verður tikin upp.
Tað skrivar AP og fleiri aðrir amerikanskir miðlar.
Kvinnan varð flutt á sjúkrahús, har hon doyði av løstunum. Særdi maðurin bleiv eisini fluttur á sjúkrahús, har hann fær sjúkraviðgerð fyri løstirnar hann fekk í hendingini.
Sambært løgregluni í Santa Fe er eingin ákærdur í sakini, men løgreglan er í holt við at avhoyra fólk á staðnum, har filmurin verður tikin upp.
Alec Baldwin arbeiðir sum sjónleikari og framleiðari á hesum westernfilminum, ið ber heitið “Rust”.
