AB hevur skift málverja
B36 hevur skift tríggjar spælarar út
Jóannes Hansen
16. apríl 2023 kl. 15:07
Í fýra teimum fyrstu dystunum eru 10 mál farin ígjøgnum hjá AB, sum enn ikki hevur skorað mál.
Higartil hevur Antonio Borelli úr USA vart málið, men í dag er gamli kenningurin Rói Zachariasen millum stólparnar. Hann hevur ikki verið við higartil í ár. Antonio Borelli er ikki á listanum í dag.
Ein onnur broyting er á AB liðnum. Emil Seedorff Sørensen avloysir Bjarna Skála.
Hjá B36 eru fleiri broytingar.
Svenski álopsspælarin Isak Jönsson er á beinkinum, og Andrias H. Eriksen, sum í 3-2 sigrinum ímóti 07 Vestur varð skiftur inn, er í miðverjuni saman við Sonna Ragnar Nattestad.
Valerijs Sabala er í dag á beinkinum, meðan Benjamin Heinesen er í álopinum.
Símun Sólheim er á vøllinum í staðin fyri Magnus Egilsson.
