17 fólk eru deyð í California
Ógvusligir skógareldar, í amerikanska statinum California, hava kravt 17 mannalív og meira enn 150 fólk eru eftirlýst
Guðrun í Jákupsstovu
11. oktober 2017 kl. 13:54
Sunnudagin byrjaðu ógvusligir skógareldar í California, og hava teir longu gjørt sera stóran skaða. Eldurin fer fram í norðara partinum av California, í einum økið har nógv vínframleiðsla fer fram, nevniliga Napa Valley.
Fleiri enn 2000 bygningar hava tikið skaða, umleið 150 fólk eru eftirlýst og 17 fólk eru staðfest deyð. Tað skriva fleiri útlenskir miðlar.
Eldurin er ein tann ógvusligasti í søguni hjá California, og roykurin røkkur heilt suður til San Francisco, ið liggur 100 kilometrar sunnanfyri økið har skógareldarnir herja.
