16-ára gamal tók met hjá Usain Bolt
Metið var sligið við 0,07 sekundum
Fríðmundur Nattestad
10. apríl 2024 kl. 17:00
Usain Bolt er av flestum mettur at vera besti rennari nakrantíð. Hann hevur vunnið heili átta OL gull heiðursmerki, og so eigur hann eisini fleiri heimsmet.
Eitt av hesum metunum er nú tikið. Um mánaðarskiftið vóru Carifta leikirnir hildnir á Kirani James Athletic Stadium í Grenada. Her tryggjaði 16-ára gamli Nickecoy Bramwell sær pláss í søgubókunum, tá hann tók metið hjá Bolt í 400m renning fyri U17.
Tíðin hjá unga rennaranum, sum, eins og Bolt, er úr Jamaika, var 47,26 sekund. Hetta er 0,07 sekund betri enn tíðin Usain Bolt rann fyri 22 árum síðani.
