104 kirkjutænarar fara á skeið

Reyði Krossur Føroya bjóðar eitt 4 tímar grundskeið i fyrstuhjálp til tænastufólk kirkjunnar.

Skeiðini verða í Tórshavn, Klaksvík, Gøtu, Vágunum, á Sandi, við Streymin og í Suðuroy.

16 fólk verða á hvørjum skeiði. Talan er um dag- og kvøldskeið yrkadagar. 

Tey, ið hava boðað frá luttøku, hava persónliga fingið boð um dag, tíð og stað.

Skeiðini verða hildin í tíðarskeiðinum 25. november – 5. desember 2024.

Fólkakirkjan fegnast um, at áhugin er stórur fyri hesum skeiði.

Tilsamans koma 104 fólk á skeiðini, ið Reyðikrossur heldur fyri tænastufólki kirkjunnar.

Fólkakirkjan takkar Reyðakrossi fyri eitt gott arbeiði, eisini á hesum økinum.