Í kvøld boðar 07 Vestur frá, at felagið hevur undirskrivað leiguavtalu, sum ber við sær, at 21 gamli bretin Benni Smales-Braithwaite nú fer at eiga heimavøll í Sørvági. Benni kemur til landið hósdagin og fer beinanvegin at venja saman við hópinum hjá Steffen Landro.
07 Vestur skrivar, at Benni hevur havt ein sera spennandi fótbóltsuppvøkstur. Hann byrjaði hjá Manchester City og fór síðani til Southampton. Tað var eisini í Southampton at hann higartil hevur spælt flestu dystirnar. Hann hevur spælt 25 dystir í U18 Premier League og 16 dystir í Premier League 2 fyri Southampton. Hann hevur eisini verið partur av U15 og U16 landsliðshópinum hjá Onglandi.
Braithwaite hevur verið í Vendsyssel síðani 2023, haðani hann er leigaður, skrivar 07 Vestur í kvøld.
