Mentan

Grand Prix-serfrøðingur: Danmark hevur besta kjansin at vinna síðan 2013

Grand Prix-serfrøðingur: Danmark hevur besta kjansin at vinna síðan 2013

Mynd: EPA/HENNING BAGGER

2018-02-11 10:45 Author image
Alda Nielsdóttir

Danmark hevur øgiliga góðan kjans at vinna Eurovision Song Contest.

Vinnarasangurin, 'Higher Ground' hjá Rasmussen, kann gerast eitt stórt hit í Evropa. Tað heldur Grand Prix-serfrøðingur, Johann Sørensen, ið eisini er formaður í felagnum 'Melodi Grand Prix Fans'.

Tá hann varð spurdur hví hann helt, at Rasmussen vann, segði hann: Rasmussen var tann solisturin, ið hevði mest at siga, og 'Higher Ground' er ein sangur, ið setur seg fast, og ein sangur, ið var væl framførdur.

Á YouTube hava dupult so nógv fólk hugt eftir sanginum hjá Rasmussen sum tey hava hugt eftir hinum donsku Grand Prix framførslunum, og eg havi bert sæð positivar viðmerkingar. Tær koma úr øllum Evropa, og tað hevur stóran týdning, tí at fáa atkvøður frá nábúgvunum er ikki nóg mikið, sigur Johann Sørensen við DR.

Í fjør gjørdist Danmark nummar 20 í Eurovision, og í 2016 og 2015 komu tey ikki í finaluna, men Johann Sørensen heldur, at í ár hevur Danmark ein góðan kjans.

Vit hava besta kjansin síðan Emmelie de Forest (mynd) í 2013. Hetta er ein sangur, ið hevur ein sterkan boðskap um frið og at samla fólk, og tað er nakað vit halda, at alt Evropa tekur undir við. 'Higher Ground' er eitt slag av 'Only Teardrops 2.0' (Vinnarasangurin hjá Emmelie de Forest í 2013, red.).

Johann Sørensen heldur, at til ber at gera framførsluna enn betri. Eg kundi hugsa mær heitari litir á pallinum, meira eld og onkrar trummur. Kanska átti Rasmussen at farið í ein ordiligan víkinga-búna? sigur hann.

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður