Føroyar seta met í deyðsvanlukkum

Mynd: Savnsmynd

Føroyar seta met í deyðsvanlukkum

2017-09-26 11:38 Author image
Guðrun í Jákupsstovu

Í Føroyum seta vit met í deyðsvanlukkum á arbeiðsplássum. Seinastu fimm árini, er í miðal ein persónur deyður um árið í Føroyum. Tað fortelur Kringvarpið.

Fyri trimum árum síðani doyði ein 22 ára gamal maður í einari arbeiðsvanlukku hjá Faroese Maritime Services. Árið fyri tað, í 2013, doyði ein annar ungur maður í arbeiðsvanlukku við AB-vøllin, fyri Húsavarðatænastuna.

Tá Arbeiðseftirlitið kannaði hesar vanlukkurnar, vísti tað seg at vera fleiri viðurskifti ið ikki vóru í lagi. Millum annað manglaði neyðug tól og útgerð, umframt kunning til starvsfólkini. Harafturat var arbeiðið ikki nóg væl skipað.

Faroese Maritime Services og Húsavarðartænastan fingu bót á ávikavíst 20.000 og 40.000 krónur fyri vanlukkurnar. Hetta hevur fingið ymsar politikkarar á krevja bót á økinum - millum annað var lovað at hækka bøturnar fyri slíkar vanlukkur, men enn er tað ikki hent.

Men eitt er at krevja hækkaðar bøtur fyri slíkar vanlukkur. Eitt annað er, at vanlukkurnar henda yvirhøvur. Leivur Persson, stjóri á Arbeiðseftirlitinum, greiðir Kringvarpinum frá, at vit hava nógva tunga vinnu í Føroyum ið altíð fer at hava ein ávísan vanda. Hann leggur tó afturat, at Arbeiðseftirlitið var fyri stórum sparingum í 2011 og minkað munandi síðan 2008. Tískil hevur verið eftirlitið ei heldur verið nøktandi. 

Landsstýrismaðurin í arbeiðsmálum, Henrik Old, hevur lovað, at hesi viðurskifti skulu bøtast um. Millum annað skal játtanin til Arbeiðseftirlitið hækka, umframt at heimildirnar hjá Arbeiðseftirlitinum skulu víðkast.
Síðan 2008 er játtanin til Arbeiðseftirlitið minkað nógv, í 2011 máttu heili 6 starvsfólk sigast upp, ið svaraði til 50% av stovninum. Í 2015 byrjar játtanin at hækka aftur, og samanleggingar á stovninum gera, at starvsfólkatalið hækkar aftur. Í dag arbeiða 12 fólk á stovninum, ið nú kallast Arbeiðs- og Brunaeftirlitið. Hóast játtann er hækkað, er hon ikki líka stór sum hon var í 2008.

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður