Uttanlands

Fleiri enn níggju milliónir tilburðir

Mynd: corona.fo

Mynd: corona.fo

2020-06-21 23:24 Author image
Sveinur Tróndarson

Sjálvt um tað nú eru næstan tveir mánaðir, síðan vit her heima høvdu tann seinasta korona-tilburðin, so stendur ikki so væl til í restini av heiminum.

Tað kann staðfestast á yvirlitinum á heimasíðuni Worldometers.info.

Har sæst í kvøld, at nú hava fleiri enn níggju milliónir fólk havt korona-smittuna, av teimum eru umleið 4,8 milliónir fólk sloppin av aftur við smittuna.

Eitt annað, sum eisini er áhugavert er, at tað er talvan yvir tal á smittaðum framvegis hækkar við rúkandi ferð. Millum annað í USA, har tey seinastu dagarnar hava staðfest væl fleiri enn 30.000 nýggjar tilburðir. Tað er hent fyrr, men tá skulu heilt aftur til mánaðarskiftið apríl-mai.

Og samlaða talið av nýggjum tilburðum hevur ongantíð verið so høgt, sum tað var fríggjadagin. Tá vórðu skrásettir 181.000 nýggir tilburðir. Í gjár var talið 157.000 og higartil í dag eru komnir 119.000 nýggir tilburðir afturat. Men enn er nakað eftir av samdøgrinum, so tað talið fer heilt vist at hækka.

Sambært Worldometers.info er korona-smittan nú staðfest í 215 ymiskum londum.

Tað er sjálvandi í teimum stóru londunum, at flestu nýggj tilfeldi vera skrásett. USA er framvegis langt fremst í absoluttum tølum, við næstan 2,4 milliónum tilburðum í alt, og Brasil hevur næstflestar tilburðir við 1,1 millión. Russland hevði í kvøld næstan 600.000 tilburðir og India, sum í gjár og í dag hevur skrásett 15.000 nýggjar tilburðir, táttar í eina hálva millión.

Samanlagt er ein sløk hálv millión fólk deyð við korona, stendur at lesa á heimasíðuni Worldometers.info.

 

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður