"Finsen" liðugt umbygt

2017-10-31 15:53 Author image
Innsent

Nú fríggjadagin 3. november 2017 klokkan 15 verður hátíðarhald í sambandi við, at "Finsen" er liðugt umbygt. Tað er føroyski nobelvinnarin, Niels Ryberg Finsen, ið hevur lagt navn til nýggju lestrarbústaðirnar í Kommunuskúlanum mitt í Havn. 
Verkætlanin at umskapa gamla kommunuskúlan í Havn til lestrarbústaðir og eitt alment miðbýarøki verður framd í partalagi millum Tórshavnar kommunu, Bústaðir, Selmar Nielsen arkitektar og Húsavarðatænastuna. 
Lestrarbústaðirnir verða nevndar Finsen, sum eisini hóskar væl við Niels Finsensgøtu sum næsta granna. Niels Ryberg Finsen var føddur í Havn í 1860, fekk nobelheiðursløn í 1903, men doyði árið eftir, einans 43 ára gamal. Hann gav heiminum vón og einføld amboð til leking.
Skráin til almenna hátíðarhaldið byrjar kl 15, tá barnakórið CANTUS hjá Tórshavnar Musikkskúla syngur, og Annika Olsen, borgarstjóri, heldur røðu.
Síðan halda Jóhann Mortensen, stýrisformaður í Bústøðum, og Andras Róin, stjóri í Bústøðum, umframt eitt umboð fyri ráðgevar og arbeiðstakara røður. Aftaná fer Gunvør Balle, forkvinna í mentamálanevndini, at kunna um framtíðar mentanartiltøk í FINSEN.
Kórið TARIRA syngur og bjóðað verður til ein kaffimunn í Sangstovuni. Opið hús fyri almenninginum verður fríggjadag frá kl. 15 til kl. 17 og leygardagin frá kl. 12 til kl. 16.

Sum haldari fart tú atgongd til alt tilfar í blaðinum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður