Faroe Islands Translate hevur brúk fyri fleiri umsetarum

Faroe Islands Translate hevur brúk fyri fleiri umsetarum

2017-10-10 09:22 Author image
Innsent

Faroe Islands Translate tænastan hjá Atlantic Airways og Visit Faroe Islands hevur verið so mikið væl umtókt, at tørvur er á fleiri umsetarum.

Filmarnir á síðuni eru spældir fleiri enn 500.000 ferðir, og higartil eru umleið 12.000 filmar framleiddir til fólk úr 142 ymiskum londum síðani átakið byrjaði fyri fimm døgum síðani. Fólk úr øllum heiminum halda fram við at biðja um týðingar, og tí er brúk fyri fleiri umsetarum.

Atlantic Airways og Visit Faroe Islands biðja tí føroyingar um hjálp.

Tað er sera lætt og ómakaleyst. Tað krevur einans, at tú eigur eina snildfon, ert í øllum førum 13 ára gamal/gomul, og at tú játtar at taka tríggjar vaktir á fýra tímar hvør. Sum samsýning fært tú eitt gávukort frá Atlantic Airways á 2.000,-.

Guðrið Højgaard, stjóri í Visit Faroe Islands, fegnast um stóru undirtøkuna fyri átakið.

“Hetta er ein gyltur møguleiki at vera við til at marknaðarføra Føroyar sum ferðamál og vónandi at fáa føroyska málið á Google Translate. Vónandi taka føroyingar væl ímóti hesum,” sigur Guðrið.

Melda til við at senda teldupost til info@visitfaroeislands.com. Freistin at melda til er mikumorgunin, 11. oktober kl. 8.

Sum haldari fart tú atgongd til alt tilfar í blaðinum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður