Eyðun Gaard settur sum stjóri í Námi

Eyðun Gaard settur sum stjóri í Námi

2017-10-17 12:03 Author image
Innsent

Rigmor Dam, landsstýriskvinna í mentamálum, hevur gjørt av at seta Eyðun Gaard í starvið sum stjóri í Námi frá 1. november 2017 at rokna.

Eyðun Gaard er 52 ára gamal og útbúgvin fólkaskúlalærari frá Føroya Læraraskúla í 1994. Harumframt hevur hann nomið sær fleiri eftir- og víðariútbúgvingar. Hann hevur masterútbúgving innan námsfrøðiliga menning frá Danmarks Pædagogiske Universitet frá 2008 og Masterútbúgving í løgfrøði frá Fróðskaparsetri Føroya í 2017.

Eyðun Gaard hevur starvast sum fólkaskúlalærari í fleiri skúlum í Føroyum og Danmark. Í 2004-05 var hann virkandi leiðari í skúlanum á Trøðni, sum tá æt Sernámsdepilin.

Seinastu 10 árini hevur Eyðun Gaard starvast sum leiðari í Yrkisdeplinum undir Mentamálaráðnum, har hann hevur havt ábyrgd av at skipa og fyrisita yrkisútbúgvingarøkið.

Sum haldari fart tú atgongd til alt tilfar í blaðinum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður