Eitt ódnartak kemur nú út sum sjálvstøðugt rit

Eitt ódnartak kemur nú út sum sjálvstøðugt rit

2017-09-22 10:22 Author image
Innsent

”EITT ÓDNARKVØLD”, sum Hans Andrias Djurhuus læt prenta í ”Varðanum” 10. bindi, 1930, kemur nú út í bók í røðini LEIKRIT. Hetta er 24. leikritið.

Hans Andrias var næsti granni hjá Sjónleikarhúsinum, sum varð tikið í nýtslu í 1926, og hann var virkin nevndarlimur, stundum formaður, í Havnar sjónleikarfelag. Hann skrivaði fleiri leikir hesi árini – eftir ungdómsverk síni: ”Maritu”, 1908 (Leikrit 8) og ”Anniku”, 1917 (Leikrit 9). Tann fyrsti teirra var ”Álvaleikur”, 1930 (Leikrit 22).

Leikurin kann væl verða nevndur samtíðarleikur; ið hvussu so er lýsir hann væl huglagið hesi døpru árini um 1930, tá ið búskapurin raplaði, bátsvanlukkur ikki vóru óvanligar, og feigdarboð ofta bórust av íslandsmiðum, har føroyskar sluppir, oftast gomul før, royndu heilt frá seinast í februar og út í oktobur mánað.

Tað er ikki óhugsandi, Hans Andrias skrivaði “Eitt ódnarkvøld”, ein álvarsleik, tí at ummælarar høvdu bent honum á, at fyrstu royndir hansara at skriva leikir bóru brá av at vera romantisk løtuverk.

Leikurin ”Eitt ódnarkvøld” er, tað vit vita, bara leiktur eina ferð – á eini kvøldsetu sum Havnar sjónleikarfelag skipaði fyri í 1971.

Viðmerkingar eru skrivaðar til henda leikin eins og til allar hinar.

Árni Dahl valdi tekstir, skrivaði viðmerkingar og legði til rættis.

Bárður Jákupsson sniðgav forsíðu. William Heinesen gjørdi skreytmynd.

Leikrit 24 er 46 síður.

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður