Heimatíðindi

Eik Bank Danmark: Sakarmálskostnaðurin var 60 milliónir krónur

2020-06-23 13:25 Author image
Sveinur Tróndarson

Tað gjørdist ein dýrur umgangur hjá uppruddingarfelagnum hjá danska statinum, Finansiel Stabilitet, at fara í rættin við Eik Banka Danmark.

Tað kann staðfestast eftir at Hægstirættur í gjár kom við endaliga úrskurðinum í málinum.

Hann segði, at allir partar í málinum eru fríkendir.

Longu undan rættarmálinum var greitt, at Hans Laksá, grannskoðari, og grannskoðarafelagið Nota, vóru fríkend, tí tað hevði Eystari Landsrættur staðfest, og tað var eisini greitt, at Brian Toft, fyrrverandi stjóri í Eik Bank Danmark, eisini var fríkendur. Hetta staðfesti Hægstirættur í gjár.

Men við dóminum í gjár fríkendi Hægstirættur eisini Marnar Jacobsen, táverandi forstjóra í Eik Banka, sum var nevndarformaður í danska dótturbankanum, Henrik Ørsted, næstformann, og stjórarnar báðar, Jesper Søndberg Clausen og Kim Michael Sandberg.

Tað vil siga, at Finansiel Stabilitet skal rinda endurgjaldsupphæddina, sum teir fýra dømdu rindaðu eftir dómin í Eystara landsrætti, aftur. Endurgjaldsupphæddin var uppá 28,6 milliónir krónur, men við rentum verður upphæddin 42,6 milliónir krónur.

Harafturat skal Finansiel Stabilitet eisini rinda sakarmálskostnaðin, og tað er ein stór rokning.

Samanlagt hevur hetta rættarmálið kostað Finansiel Stabilitet 57,5 milliónir krónur, tí felagið skal gjalda sakarmálskostnaðin bæði í Eystara landsrætti og í Hægstarætti.

Tað hevur verið sera kostnaðarmikið hjá Finansiel Stabilitet at fáa endurgjald frá leiðslum og nevndum í peningastovnum. Ein uppgerð, sum er viðheft her, vísir, at samlaði kostnaðurin – higartil – er komin upp á slakar 900 milliónir krónur. Og samlaða endurgjaldið, sum Finansiel Stabilitet hevur fingið, er uppá slakar 470 milliónir krónur.

[object Object]

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður