Duldar lýsingar skulu burtur

2016-05-11 08:48 Author image
Dimma

Vit hava øll sæð tað. Á einari síðu í einum blaði stendur ein lýsing. Og beint við stendur ein at síggja til journalistisk grein um sama evni.

Hvat er nú hvat? Er greinin skrivað, tí at lýsarin fær hana afturfyri at lýsa í blaðnum? Ella er tað bara púra tilvildarligt samanfall?

Í øllum førum er tað ikki loyvt at fjala lýsingar í teksti, sum sær út til at vera ritstjórnað tilfar.

- Reglan, at tað týðiliga og greitt skal standa, at talan er um eina lýsing, er galdandi í øllum noðurlendsku londunum, sigur Rannvá Ragnarsdóttir, Brúkaraumboð.

Norðurlendsku brúkaraumboðini savnaðust í Karlstad tann 27. og 28. apríl at skifta orð um trupulleikan við duldum lýsingum. Breið semja er um, at hetta er ein átrokandi spurningur. Tað hevur týdning fyri brúkaran at vita, um talan er um lýsing, og hvør ið sendir eini handilslig boð, staðfestir Brúkaraumboðið.

Í Føroyum hevur samanvavsturin eisini vundið nógv upp á seg. Serliga lýsingabløð brúka tað sum agn at lokka lýsarar til, at tey kunnu skriva eina grein um eitt virki ella eina vøru. Haraftrat eru eisini sokallað tema-bløð, har tað kann tykjast ógreitt fyri lesaran, hvørjum fortreytum greinum er skrivað út frá.

Tað verður kallað samanhangslýsingar og innihaldslýsingar í teimum førum, tá ið handilsligi boðskapurin er duldur í ritstjórnaðum tilfari.

Brúkararnir hava rætt til á einfaldan hátt at kunna gera mun á, hvat ið er journalistiskt ella persónligt innihald, og hvat, ið er ætlað marknaðarførslu. Er handilsligur boðskapur í, skal tað vera lesarunum fullkomiliga greitt, sigur Rannvá Ragnarsdóttir, Brúkaraumboð, í tíðindaskrivi.

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður