Uttanlands

Danmark: Námsfrøðiligt hjálparfólk ákært fyri at gera seg inn á tilsamans 28 børn

Mynd: Visualhunt

Mynd: Visualhunt

2018-03-12 15:49 Author image
Elisa Vang

Eitt 47-ára gamalt námsfrøðiligt hjálparfólk og skótaleiðari er ákært fyri at hava neyðtikið og framt annan ágang á 28 børn. Tað skrivar TV2 Nyheder á heimasíðu sína.


Sambært ákæruritinum er ágangurin farin fram á einum stovni í Albertslund og í einum skótahúsi í Brøndby.


Ole Nielsen, kanningarleiðari, váttar fyri Ritzau, at løgreglan hevur funnið video og myndir, sum maðurin er ákærdur fyri at hava tikið.


Fleiri av teimum 28 børnunum hava sambært ákæruritinum verið fyri nógvum ymiskum ágangi.


Maðurin er ákærdur fyri bæði neyðtøku, fyri annan kynsligan ágang enn sex og fyri blygdanarskemd. Haraftrat er hann ákærdur fyri sita inni við 10.721 barnapornografiskum myndum og 1472 barnapornografiskum videoum.


Maðurin verður mettur at vera so mikið vandamikil, sambært ákæruritinum, at mann ynskir mannin varðhaldsfongslaðan.


"Talan er um nógvan grovan ágang móti smáum børnum, og tí tvíheldur ákæruvaldið um, at ákærdi skal varðhaldsfongslast, tað vil siga, fongslast í óvissa tíð", sigur Peter Rask, ákæri hjá løgregluni við TV2. 

 

 

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður