Ársins Vitanarfróðu: Kapping fyri skúlaflokkar

Tað er Vitanarfróði ella Vitanarfróða á myndini omanfyri, alt eftir, um tú heldur, at hetta er ein drongur ella genta. Myndina hevur Elisabeth Maria Pálsdóttir tekna til teknikapping hjá Granskingarráðnum í 2009

Ársins Vitanarfróðu: Kapping fyri skúlaflokkar

2017-06-16 10:56 Author image
Innsent

Granskingarráðið og Nám skipa fyri granskarakapping fyri skúlaflokkar í miðdeild og hádeild. Kappingin verður rópt Ársins Vitanarfróðu og er skipað við íblástri frá Nysgjerrigper kappingini í Noregi. 

Næmingarnir skulu taka støði í onkrum, sum teir undrast á. Síðani verður arbeitt eftir einum føstum leisti, sum vit kalla arbeiðsháttin hjá Vitanarfróða og Vitanarfróðu. Hetta skal at enda savnast í eini frágreiðing, sum skal sendast Granskingarráðnum, upplýsir Granskingarráðið í skrivi sent miðlunum.

Endamálið er at geva skúlum og næmingum møguleika at arbeiða sum granskarar: At orða ein spurdóm, at finna fram til nakrar hypotesur og síðani at kanna málið við at savna inn tilfar og gera royndir. At enda skulu úrslitini lýstast og onnur skulu kunnast.

Innbjóðing at luttaka er júst send til allar skúlar. Tey, sum hava hug at vera við, kunnu brúka næstu vikurnar at undrast og finna spurdómar at kanna. Freistin at senda tilfar inn til kappingina er 21. september í 2017.

Tað eru ein fólkaskúlalærari, ein granskari, eitt umboð fyri Nám og eitt umboð fyri Granskingarráðið, sum fara at lesa allar frágreiðingarnar og at meta um, hvør vinnur. 

Allir flokkar, sum luttaka, fáa prógv fyri, at teir hava verið við. 

Flokkurin, sum vinnur kappingina, fær virðisløn á 5000 kr., heiðurin at nevna seg Ársins Vitanarfróðu og ein túr í náttúruna við tveimum granskarum at síggja okkurt forvitnisligt. 

Vinnarin verður kunngjørdur á Vísindavøkuni 29. september í 2017 kl. 13.

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður