Annika Olsen kann ikki takast fyri fult

2016-08-19 10:50 Author image
Dimma

Annika Olsen ætlar sær eftir øllum at døma í býráðið, nú hon langar eftir Javnaðarflokkinum í býráðnum, sum annars er í samgongu við hennara egna flokk og hennara egna valfelag, sum hon enntá er forkvinna fyri.

Hon rópar tað "fallitterklæring", tí løgtingslimur hjá javnaðarflokkinum hevur hugleitt um, hvussu mann best tryggjar eitt javnt tænastustøði kring landið. Eg eri sannførdur um, at tað gera kommunurnar best sjálvar.

Men tað, sum fær meg at tríva í pennin, var útsøgnin um, at vónandi fær eldraøkið í Tórshavnar kommunu fremstu raðfesting og framum keyp av almennum bygningum fyri 100 tals milliónir.

Fáur fólkafloksmaður lýgur meira ein helvtina, men kanska fólkaflokskvinnurnar duga betri.

Fyri tað fyrsta, so hevur kommunan ikki keypt nakran almennan bygning yvirhøvur. Heldur ikki Sjóvinnuhúsið, sum partamaður Anniku í býráðnum annars hevur staðið fyri, er ikki keyptur frá tí almenna.

Fyri tað næsta, so hava íløgurnar í sonevndu bankabygningarnar og í Sjóvinnuhúsið onga ávirkan havt á tænastustøðið á eldraøkinum ella nøkrum øðrum uppgávuøki hjá kommununi.

Tvørturímóti hava vit ment og skipað nýggj tilboð og tænastur, og fleiri eru ávegis.

Ta veruliga falliterklæringina eigur Annika Olsen sjálv, tá hon sum landsstýriskvinna tveitti eldraøkið púra ófyrireikað og niðurpínt út til kommunurnar. Einki var klárt, alt regluverkið manglaði, fíggingin var eitt neyðaregg, og alt hetta skulu kommunurnar og núsitandi samgonga nú taka upp eftir henni.

Annika, kom tú ikki og fortel Føroya fólki og havnarborgarum við, hvussu tú raðfesti eldraøkið úti í Almannamálaráðnum. Tað eru leivdirnar av tínari vanlukkuligu raðfesting av eldraøkinum, sum kommunurnar nú stríðast við at fáa á beint.

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður