Uttanlands

Amerikonsk fyritøka vil selja nýggj 'kvinnuvinarlig' kips

Amerikonsk fyritøka vil selja nýggj 'kvinnuvinarlig' kips

Mynd: Visualhunt.com

2018-02-07 09:38 Author image
Alda Nielsdóttir

Møguliga verður eitt nýtt slag av kips at síggja í handlunum í næstum.

PepsiCo, ið er fyritøkan handan Doritos og Lays kips hevur almannkunngjørt eina ætlan um at koma við einum nýggjum slagi av kips, ið eru serliga ætlað kvinnum.

Sambært Indra Nooyi, sølustjóra hjá PepsiCo, vilja kvinnur helst hava kips, sum ikki eru feittut, og sum ikki gresja.

Tí umhugsar fyritøkan at framleiða kips í smáum pakkum, sum passa í hondtaskuna hjá kvinnum, og sum harumframt hvørki gresja ella feitta.

Sambært Indra Nooyi, vísa kanningar, at kvinnur ikki dáma kips ið gresja og feitta, og tí eta tær ikki kips alment.

Tá hon varð spurd, um PepsiCo ætlar at framleiða eitt slag av kips til kvinnur, og eitt til menn, segði hon, at tað er ikki akkurát ætlanin. Hon segði ikki, um PepsiCo ætlar at framleiða heilt nýggj sløg av kips, ella um tey ætla at koma við nýggjum útgávum av kips sløgum, ið longu eru á marknaðinum.

Hesi tíðindi vóru ikki væl móttikin á sosialu miðlunum, og nógv hava víst sína misnøgd á Twitter og hava víst á, at kvinnur hvørki ynskja ella hava tørv á eitt serligt slag av kips.

Kelda: CNBC, CNN, ABC

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Meira langlesnaður