Ósømiligt álop á Kringvarp Føroya

2017-03-09 10:23 Author image
Sigmund Vang

Eftir kjakið týskvøldið hava løgtingslimir í fólkaflokkinum havt niðrandi viðmerkingar um Kringvarp Føroya og kjakvertin

Aftursvar

Tað hevur fingið ilt í fólkaflokkin, at Kringvarp Føroya valdi at hava eitt kjak týskvøldið ímillum Høgna Hoydal, landsstýrismann í fiskivinnumálum, og Bárð Nielsen, formann í sambandsflokkinum, um fiskivinnunýskipanina.

Journalistikkur er m.a. at velja, hvussu eitt evnið skal viðgerast, og hesaferð valdi Kringvarp Føroya at hava eitt kjak ímillum landsstýrismannin og formannin í sambandsflokkinum, tí hesir báðar partar royndu í nakrar vikur at koma ásamt um eina fiskivinnunýskipan, men lítið og einki frættist frá samráðingunum.

Endamálið við einum kjaki er at lýsa ymiskleikan kring kjarnuna í einum máli, tvs. at fáa fleiri upplýsingar/sjónarmið fram, víðka sjónarringin hjá teimum sum hyggja og stimbra til víðari alment kjak.

Eftir ódámligu atfinningarnar frá fólkaflokkinum hava vit enn einaferð hugt at kjakinum. Og vit kunnu staðfesta, at kjakið heldur seg til redaksjonellu fyriskriftina, og javnvág er í orðaskiftinum.

Tí er álopið eftir okkara tykki ógrundað, og tað er lítið virðiligt, at ein politiskur flokkur fremur persónliga herferð ímóti kjak-vertinum.

Kringvarp Føroya skal sum almennur miðlastovnur tola atfinningar, men tað hevði sømt seg einum politiskum flokki, at hann var meira sømiligur og konstruktivur í sínum kritikki.

Tá limur í fólkaflokkinum samanber Kringvarp Føroya við statsstýrdar miðlar í Kina og Norðurkorea, har bert sjónarmið hjá makthavarunum verða vard, so er tað at taka rívan til – og sigur tað meira um henda persónin enn tað sigur sum Kringvarp Føroya.

 

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður