Hundrað føroyingar lesa til lækna

2016-08-12 15:12 Author image
Dimma

Læknatrot er í Føroyum, men tað trýtur ikki við læknalesandi, tí umleið 100 føroyingar eru lesa til lækna. Tað upplýsir Landssjúkrahúsið á sínari heimasíðu.

Hvørt ár skipar Landssjúkrahúsið fyri summarfundi fyri læknalesandi, har kunnað verður um útbúgvingarmøguleikar á Landssjúkrahúsinum. Hesin fundurin varð hildin fyrradagin.

Komandi heyst vera tilsamans 29 læknar í útbúgvingarskipanini hjá Landssjúkrahúsinum. 13 læknar eru í kliniskari grundútbúgving, 13 eru í útbúgvingarstarvi í almennum medisini, og tríggir læknar eru í introstørvum í ávikavist psykiatri, internum medisini og ortopædkirurgi.

Í álitinum Menningarætlan fyri sjúkrahúsverkið, ið varð almannakunngjørd fyrr í summar, verður staðfest, læknatrotið er stórt, og tað hevur ávirkan á góðskuna á veitingunum, sum sjúklingar hava atgongd til. Samstundis økist ábyrgdin og arbeiðstrýstið hjá einstøku serlæknunum. Tað ger tað truplari at útvega nýggjar serlæknar, og ein ónd ringrás er skapt, verður sagt.

Í álitinum verður mælt til, at peningurin, sum í dag verður nýttur til konsulentar og uttanlandsviðgerðir, í størri mun verður brúktur til at útvega serlæknar í føstum starvi. Løgtingið hevur sett 5 milliónir krónur av til endamálið í 2017, men harafturat mælir álitið til at játta aðrar fimm milliónur um árið næstu trý árini, ella 20 milliónir krónur yvir fýra ár.

Læknatrot er í Føroyum, men við stóru tilgongdini av læknalesandi er tað bara ein spurningur um at fáa teir, sum longu lesa, at velja Føroyar eftir lokna útbúgving.

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður