Tjóðardagurin í Póllandi órógvaður av mótmælum

Mynd: cnn.com

Tjóðardagurin í Póllandi órógvaður av mótmælum

2017-11-13 15:02 Author image
Guðrun í Jákupsstovu

Í vikuskiftinum var póllenski tjóðardagurin hildin. Men dagurin bleiv órógvaður av einari ovurstórari mótmælisgongu, har 60.000 høgranationalistar veittraðu við fløggum og faklum og róptu slagorð sum "Evropa skal vera hvítt", "Biðið fyri islamiskari týning", og "Katólsk Pólland, ikki sekulariserað".

Ein av høvuðsfyriskiparanum av mótmælisgonguni var felagsskapurin, National Radical Camp, ið hava skipað fyri fleiri øðrum mótmælisgongum har tey mótmæla rættindum hjá LGBT-fólkum, muslimskari tilflyting, ES-limaskapi og øllum øðrum ið stríðir ímóti pólskum katólskum virðum. 

Hóast tað er ein lutfalsliga lítil partur av pólska fólkinum ið stuðlar undir, ella luttekur í hesum mótmælisgongum, so verður mett, at sitandi stjórnin í Póllandi, eggjar undir slíka høgranationalismu. Sitandi stjórn hevur millum annað sett líkheitstekin millum tilflytarar og sjúku og kriminalitet. Hetta hevur skapt umstøður fyri veksandi útlendingahatri og ótollyndi. 

Vikmar loftar tørvinum

Vikmar loftar tørvinum

Hjá Vikmar hava tey ment tær mest týðandi tele- og samskiftistænasturnar til føroyska skipaflotan

Author image Georg L. Petersen

Meira langlesnaður