Sag er funnin í málinum um Kim Wall

Sag er funnin í málinum um Kim Wall

2017-10-12 12:16 Author image
Guðrun í Jákupsstovu

Svenska tíðindakvinnan Kim Wall doyði umborð á kavbátinum hjá dananum Peter Madsen tann 11. august í ár. Madsen hevur tvíhildið um at Wall doyði av einum óhappi og at hann onki lógarbrot hevur framt. Hann vildi vera við, at Kim Wall doyði av at fáa eina tunga lúku í høvdið, og at hann síðani hevði "jarðað" hana í havinum.

Síðan tá eru tó alsamt fleiri prógv funnin uppá, at Kim Wall ikki doyði av at fáa eina lúku í høvdið. Fyrst var kroppur hennara funnin, síðani beinini og høvdið. Alt var sundurlimað, og á høvdinum vóru ongir skaðar ið kundu verið komnir fyri av einari tungari lúku.

Danska løgreglan hevur nú funnið eina sag á økinum, har tað er prógvað at Peter Madsen hevði siglt við kavbáti sínum, UC3 Nautilus. Hetta var í Køge víkini. Tað er væl møguligt, at sagin hevur verið nýtt til at sundurlima kroppin hjá Kim Wall.

Peter Madsen hevur, síðan bein og høvd hjá Kim Wall fóru funnin, púra noktað at svara spurningum hjá løgregluni.

placeholder

So steinorðini rapa

So steinorðini rapa

Tóroddur Poulsen er kritiski útisetin, sum prikar og provokerar, men hann er eisini smæðin og sárur

Author image Emil Jacobsen
Partafelagið Føroyar

Partafelagið Føroyar

Fiskivinnunýskipanin skal steðga spekulatión við rættindum og útlendingar skulu út - úrslitið kann gerast eitt stórt monopol

Author image Georg L. Petersen

Meira langlesnaður