Politiið byrjar nú kanningararbeiðið móti fyrrverðandi Eik Banka

Politiið byrjar nú kanningararbeiðið móti fyrrverðandi Eik Banka

2017-11-14 14:43 Author image
Leif Láadal

Politiið í Føroyum hevur avgjørt at byrja kanningararbeiðið móti EIK Banka í samstarvið við Statsadvokaten for Særlig Økonomisk og International Kriminalitet. Tað upplýsir John Kølbæk, fúti, í skrivi sent miðlunum í dag.

Kanningararbeiði skal geva grundarlag fyri at meta, um tað kann reisast eitt revsimál móti bankanum fyri skattaundandrátt, verður sagt.

Tað verður sett eitt serligt toymi av løgreglufólkum úr Føroyum og serfrøðingum frá Statsadvokaten for Særlig Økonomisk og International Kriminalitet. Toymið skal kanna fráboðanina frá Taks um, at EIK Banki (nú P/f Betri Banki) í 2011/2012 royndi snúgva sær undan skatti fyri milllióna upphædd.

Stóri samfelagsligi týðningurin av málinum ger, at alt verður gjørt fyri, at grundarlagið at meta um málið verður so gott sum yvirhøvur gjørligt

Taks meldaði EIK Banka til politiið tann 21. september 2017, eftir at Bárður Larsen hevði kannað, hvat fór fram viðvíkjandi sakarviðgerðini av sjálvuppgávuni hjá bankanum fyri árið 2011. Bankin er undir illgrunað fyri at brot á skattalógina § 139 um skattaundandrátt.

- Málið er bæði faktuelt og løgfrøðisliga sera fløkt. Tí eri eg glaður fyri, at Statsadvokaten for Særlig Økonomisk og International Kriminalitet hevur játtað at hjálpa til við kanningararbeiðnum. Tey eru von við at kanna og meta tey allar stórstu og mest fløktu fíggjarligu revsumálini, so tað verður ein stór hjálp í hesum málinum. Við atliti til kanningararbeiðið kann eg ikki upplýsa nærri um málið og hvussu langa tíð kanningararbeiðið tekur. Eg skal tó undirstrika, at málið hevur eina høga raðfesting sum fylgi av tí samfelgsliga týðningi, málið hevur, skrivar John Kølbæk.

Vikmar loftar tørvinum

Vikmar loftar tørvinum

Hjá Vikmar hava tey ment tær mest týðandi tele- og samskiftistænasturnar til føroyska skipaflotan

Author image Georg L. Petersen

Meira langlesnaður