Ókeypis fyrilestrar um plastdáking

Mynd: torshavn.fo

Ókeypis fyrilestrar um plastdáking

2017-04-23 09:43 Author image
Dimma

Umhvørvisvikan í Tórshavnar kommunu verður sett 26. apríl, og tað verður forkvinnan í Náttúru- og umhvørvisnevndini, Turið Horn, ið setir vikuna á evniskvøldi í Reinsarínum um plastdálking. 
Heimasíðan hjá kommuni skrivar, at síðani fer Jóhannis Danielsen, lívfrøðingur á Fróðskaparsetrinum, at tosa um plastdálking í sjónum og tess skaðiligu árinini. Og Henrik Beha Pedersen frá Plastic Change fer at tosa um plastdálking. 
Henrik Beha Pedersen er umhvørvislívfrøðingur og íverkseti. Hann hevur stovnað NGO felagsskapin Plastic Change, hvørs endamál er at skjalprógva plastdálking í høvunum. Hann kunnar saman við hinum í felagsskapinum almenningin, ídnaðin og politikarar um plasttrupulleikar. Felagsskapurin leggur dent á at miðla ymiskar loysnir, sum kunnu steðga umfatandi plastdálkingini í heiminum. 
Fyrilestrarnir verða mikukvøldið 26. apríl klokkan 19:00 í Reinsarínum. Tiltakið er ókeypis.

 Kelda og lesið meir á torshavn.fo

Vikmar loftar tørvinum

Vikmar loftar tørvinum

Hjá Vikmar hava tey ment tær mest týðandi tele- og samskiftistænasturnar til føroyska skipaflotan

Author image Georg L. Petersen

Meira langlesnaður