Niels í Focus: Kol á krossviði og blandað tøkni á lørift

Niels í Focus: Kol á krossviði og blandað tøkni á lørift

- Tað er áhugavert at arbeiða við klæði, ið hevur fast mynstur ímóti teimum meira organisku formunum í tekning og máling

2017-10-10 12:37 Author image
Leif Láadal

Fríggjadagin 13. oktober klokkan 16 letur ein framsýning við verkum hjá Niels K. T. Jensen upp í Galerie Focus í Lambagerði 1 í Havn.

Framsýningin er opin til 25. oktober, týsdag til fríggjadag kl. 15 til 18, leygardag kl. 16 til 18, eisini er opið eftir avtalu. Á framsýningini eru 17 verk. Verkini eru at síggja á heimasíðuni www.galeriefocus.com.

(Lesið meira undir myndini)

Niels K. T. Jensen, føddur 1965, býr í Tórshavn. Hann luttók fyrstu fer á Ólavsøkuframmsýningini 1995. Í 1996 sýndi hann fram í Smiðjuni í Lítluvík.

Veturin 1996-97 var hann á klassiska tekniskúla á Ny Carlsberg Glyptotek.

Niels hevur verið við á fleiri Ólavsøkuframmsýningum og á Várframmsýningini 1998.

Hann hevði framsýning í Føroyahúsinum í Keypmannahavn í 2000 og var ein av Fem færinger hjá Birkerød Kunstforening í 2001. Hann hevði framsýning í Smiðjuni í Lítluvík í 2013 og 2015

Niels arbeiðir nógv við koli á krossvið og blandað tøkni á lørift, myndevnið er oftast fólk og andlitsmyndir.

- Tað er áhugavert at arbeiða við klæði, ið hevur fast mynstur ímóti teimum meira organisku formunum í tekning og máling, sigur Niels.

(Teksturin innsendur av Galerie Focus)

Meira langlesnaður