Lestrarstuðul 12. mánaðin eisini

Lestrarstuðul 12. mánaðin eisini

2017-09-29 13:28 Author image
Innsent

 Øll føroysk lesandi á hægri útbúgvingum fáa nú lestrarstuðul allar 12 mánaðirnar í árinum.

Tað sæst í uppskotinum um fíggjarlóg, sum varð lagt fram í dag.

Í grannalondunum fáa lesandi lestrarstuðul allar 12 mánaðirnar, men higartil hava føroysk lesandi ikki fingið lestrarstuðul í juli mánaði.

Rigmor Dam, landsstýriskvinna í mentamálum, fegnast um hetta týdningarmikla framstig.

– Vit vilja eggja føroyskum ungdómi til at lesa í Føroyum. Tí hava sett okkum sum mál, at føroyski lestrarstuðulin skal vera kappingarførur við tann danska, so tað ikki eru fíggjarligar orsøkir, sum gera, at fólk aftra seg við at lesa í Føroyum. Hetta er eitt stórt stig rætta vegin, staðfestir landsstýriskvinnan.

Rigmor Dam vísir á, at eins og hjá øllum øðrum eru føstu útreiðslurnar hjá okkara hægri lesandi júst tær somu í juli, sum tær eru allar hinar mánaðirnar í árinum.

Hartil hava lesandi eisini tørv á feriu, eins og øll onnur.

- Okkara ungmannafeløg og MFS, sum umboðar føroysk lesandi, hava áhaldandi víst á tørvin av at fáa lestrarstuðul allar 12 mánaðirnar. Nú fingu vit tað við í fíggjarlógina, sigur Rigmor Dam.

Í fjør hækkaði samgongan lestrarstuðulin til hægri lesandi við 500 krónum, umframt at stakir uppihaldarar tá fingu lestrarstuðul 12. mánaðin.

Men nú fáa øll, sum eru undir hægri útbúgving í Føroyum, lestrarstuðul alt árið.

 

placeholder

So steinorðini rapa

So steinorðini rapa

Tóroddur Poulsen er kritiski útisetin, sum prikar og provokerar, men hann er eisini smæðin og sárur

Author image Emil Jacobsen
Partafelagið Føroyar

Partafelagið Føroyar

Fiskivinnunýskipanin skal steðga spekulatión við rættindum og útlendingar skulu út - úrslitið kann gerast eitt stórt monopol

Author image Georg L. Petersen

Meira langlesnaður