Nú er eitt tiltak sett í verk fyri at bøta um ferðslutrygdina hjá ábærari ferðslu í Æðuvík. Ábær ferðsla er eitt nýtt hugtak fyri fólk til gongu og á súkklu, og tað er tað, sum áður kallaðist bleyt ferðsla.
Í hesum sambajdi er vegurin merktur av nýggjum, so at hann nú er tað, tey kalla ein »2 minus 1 vegur«. Somuleiðis verða tvær vegbungur settar upp, sum skulu tálma ferðini hjá bilum.
Hetta merkir, at tað verða tryggari hjá fólki til gongu og á súkklu. Landsverk sigur, at tey eru í ferð við arbeiðið nú og at tað verður liðugt skjótt.
Ein vanligur vegur hevur ofta tvær koyribreytir. Tá tá ið talan er um ein »2 minus 1 veg«, verður onnur koyribreyt tikin burtur - og tí eitur tað ein »2 minus 1«, vegur. Koyribreytin verður týðiliga merkt við eini breiðari triku báðumegin kouribreytina Endamálið er, at bilarnir skulu koyra á koyribreytini, mitt eftir vegnum, ímillum báðar strikurnar.
Fólk til gongu, ella á súkklu, eru so uttan fyri koyribreytina.
Tað er bara, tá ið bilar møtast, at teir kunnu fara yvir um strikuna fyri at sleppa fram við hvørjum øðrum. Men í slíkum førum skulu bilførarar ansa serliga væl eftir eftir fólki á súkklu og til gongu og halda aftur fyri teimum.
Nakrir aðrir vegir av hesum slagi eru kring landið og Landsverk sigur, at væntandi verða fleiri slíkir vegir gjørdir kring landið.
