Maður, ið setti eld á seg sjálvan í New York, er deyður

Ein maður, ið setti eld á seg sjálvan uttanfyri eitt dómhús í New York, er deyður av løstum sínum.

Tað skriva fleiri altjóða miðlar, millum annað CNN.

Maðurin tveitti við lýsingaseðlum á staðnum, áðrenn hann stoytti vætu á seg sjálvan og festi í. Í dómhúsinum var fyrrverandi forsetin í USA Donald Trump á ákærubeinkinum.

Maðurin vildi gera vart við, at heimurin nærkast einum “apokalyptiskum fasistiskum heimskvetti”.

Løgreglan boðaði eftir hendingina frá, at hann hægst sannlíkt ikki fór at yvirliva.