Støðutalvan sigur, at EB/Streymur er undir niðurflytingarstrikuni. Úrtøkan higartil er sjey stig, og EB/Streymur er næstaftast. Aftast er ÍF, sum hevur trý stig, og leygardagin hittast ÍF og EB/Streymur í Fuglafirði.
Í dag boðar felagið í Sundalagnum frá, at sáttmáli er undirskrivaður við norskan spælara, sum fer at spæla vi EB/Streymi tað, sum er eftir av hesum kappingarárinum.
EB/Streymur skrivar soleiðis:
EB/Streymur hevur gjørt avtalu við Mathias Blårud fyri restina av kappingarárinum.
Mathias er 29 ár og hevur leikt nógvar dystir í norskum fótbólti. Hann hevur leikt 187 dystir í OBOS liguni, sum er tann næstbesta deildin í Norra. Eisini kann nevnast, at hann hevur leikt 15 dystir í bestu norsku deildini.
Vit ynskja Mathiasi alt tað besta í EB/Streymi og gleða okkum til samstarvið, skrivar EB/Streymur í dag.
