Fyritøkan Dove undir nógvum atfinningum

Myndarøð av gif'inum, ið skapti øði

Fyritøkan Dove undir nógvum atfinningum

2017-10-09 12:03 Author image
Guðrun í Jákupsstovu

Fyritøkan Dove selur húðvørur, so sum vætukrem og deodorantar. Fyritøkan hevur leingi roynt at leggja seg eftir at marknaðarføra seg sum ein fyritøka við sosialari samvitsku. Tað vil siga, tey royna at leggja seg eftir at umboða fjølbroyttan vakurleika, millum annað við at nýta modellir í øllum støddum, aldri og húðarlitum.

Fyritøkan legði ein sokallaðan "gif" út fríggjadagin í síðstu viku. Ein gif'ur er ein stutt røð av myndum, ella ein stuttur filmur, ið ofta verður brúktur at orða eitt huglag.
Gif'urin vísti eina myrka kvinnu, ílatin eina brúna t-blusu. Hon letur seg úr t-blusunu, og so gerst hon til eina hvíta kvinnu. Hvíta kvinnan ger tað sama, letur seg úr og síðani gerst hon aftur ein onnur kvinna.

Gif'urin vardi ikki nógv meira enn trý sekund, men hevur við øgiligari ferð fingið alt internetið í øðina, og atfinningarnar hava regnað útyvir Dove, ið verður skýrt at vera rasistiskt. 
Dove bleiv m.a. lagt undir sokallaða "hvítvasking", og at geva ímyndina av, at hvíti húðarliturin, afturímóti tí myrka, er "tann rætti". 

Dove tók gif'in av netinum longu sunnudagin, og hevur biðið um almenna umbering. 

placeholder

So steinorðini rapa

So steinorðini rapa

Tóroddur Poulsen er kritiski útisetin, sum prikar og provokerar, men hann er eisini smæðin og sárur

Author image Emil Jacobsen
Partafelagið Føroyar

Partafelagið Føroyar

Fiskivinnunýskipanin skal steðga spekulatión við rættindum og útlendingar skulu út - úrslitið kann gerast eitt stórt monopol

Author image Georg L. Petersen

Meira langlesnaður