Aldagomul grøv funnin í Egyptalandi

Aldagomul grøv funnin í Egyptalandi

2017-09-10 13:14 Author image
Guðrun í Jákupsstovu

Sunnanfyru býin Luxor í Egyptalandi hava fornaldarfrøðingar nú funnið eina stóra grøv. Tað skrivar Al-Jazeera.

Grøvin er mett at vera eini 3500 ára gomul, og hon hýsir standmyndir av einum kongaligum gullsmiði og konu hansara. Umframt hetta eru eisini mumiur í grøvini og fleiri lítlar standmyndir, skornar úr leiri, kálksteini og træi.

Økið í kring um býin Luxor er fult av grøvum og øðrum fornaldarleivdum og tískil verður nógv fornaldararbeiði gjørt her. Av tí sama hevur hetta økið leingi verið ein av teimum heilt stóru ferðafólkastaðsetingunum í Egyptalandi, men talið av ferðafólkum her er fallið nógv seinastu árini. Mett verður, at hetta er orsakað av kollveltingini í 2011, tá fyrrverandi forsetin Hosni Mubarak varð settur frá, og nógvur ruðuleiki valdaði í landinum.

Nú heldur Khaled al-Anani, ráðharri í fornmálum, at hesin seinasti fornaldargrevsturin kann skapa umstøður fyri veksandi ferðavinnu í økinum aftur.

Sum haldari fart tú atgongd til alt tilfar í blaðinum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður